eSIM

Үйлчилгээний нөхцөл

Сүүлд шинэчлэгдсэн огноо: 2026 оны 4-р сарын 20

“Амий Маяа ХХК“ (цаашид “Тус компани” гэх) нь eSIM-д зориулсан дата багцуудын реселлер юм. Тус компани  үүрэн холбооны оператор биш. Бид шаардлагатай бүх дэд бүтцийг эзэмшдэг гуравдагч этгээдийн сүлжээний үйлчилгээ үзүүлэгчдийн бүтээгдэхүүнийг дахин борлуулдаг.

1. ЕРӨНХИЙ НӨХЦӨЛ

Энэхүү Үйлчилгээний нөхцөлөөр Тус компаниас үзүүлж буй олон улсын дата сим бүтээгдэхүүн, үйлчилгээг хэрэглэгч авахтай холбоотой үйл ажиллагааг зохицуулна.

Хэрэглэгч гэдэг нь энэхүү Үйлчилгээний нөхцөлийн дагуу болон Тус компаний бүтээгдэхүүн, үйлчилгээг худалдан авах эрхтэйгээр оролцож байгаа, Тус компаниас үйлчилгээ авч байгаа иргэн, хуулийн этгээдийг хэлнэ.

Вэб сайтад байршуулсан аливаа нөхцөлийг хүлээн зөвшөөрөх, идэвхжүүлэх, баталгаажуулах үйлдэл хийсэн нь хэрэглэгч Тус компаний Үйлчилгээний нөхцөлийг зөвшөөрсөнд тооцно.

2. ТӨХӨӨРӨМЖИД ТАВИГДАХ ШААРДЛАГА

Хэрэглэгч нь Тус компаний eSIM үйлчилгээг авахын тулд дараах шаардлагад нийцсэн төхөөрөмжтэй байна:

• eSIM дэмждэг төхөөрөмжтэй байх.
• Төхөөрөмж ямар нэгэн сүлжээний түгжээгүй байх.
• Тухайн төхөөрөмжийг зааврын дагуу шалгаж баталгаажуулаагүй эрсдэлийг Тус компани хариуцахгүй.

3. БҮТЭЭГДЭХҮҮН, ҮЙЛЧИЛГЭЭ

Энэхүү Үйлчилгээний нөхцөлийг зөвшөөрөх үед Тус компани нь бүтээгдэхүүн, үйлчилгээг сүлжээ орсон нутаг дэвсгэрт үзүүлж байгаа гэдгийг Хэрэглэгч ойлгон, энэхүү нөхцөлөөр бүтээгдэхүүн, үйлчилгээг авахыг хүлээн зөвшөөрч байна.

Тус компаний бүтээгдэхүүн, үйлчилгээг ашиглах явцад Хэрэглэгчийн ашиглаж байгаа төхөөрөмжөөс шалтгаалан саатал, доголдол гарсан тохиолдолд энэ талаарх гомдлыг Тус компани хариуцахгүй.

4. ТӨЛБӨР ТООЦОО

Хэрэглэгч нь бүтээгдэхүүн, үйлчилгээний төлбөр, тооцоог Тус компаниас санал болгосон төлбөрийн сувгуудыг ашиглан төлнө.

Хэрэглэгч бүтээгдэхүүн, үйлчилгээний төлбөрийг төлөөгүй тохиолдолд төлбөр бүрэн төлөгдөх хүртэл Тус компани нь үйлчилгээ үзүүлэх боломжгүй.

5. БУЦААЛТ

Хэрэв eSIM-ийг аливаа нэг төхөөрөмжид суулгасан эсвэл аль хэдийн ашиглагдаж байгаа төлөвтэй тохиолдолд буцаан олголт хийгдэхгүй.

Хэрэв eSIM-ийг аливаа төхөөрөмжид суулгаагүй бол худалдаж авсан өдрөөс хойш 7 хоногийн дотор хүсэлтээ илгээснээр 100% буцаалт авах боломжтой.

Буцаах хүсэлтийг хүлээн авсан өдрөөс хойш ажлын 5-7 хоногт эргэн олгоно.

6. ХАМРАХ ХҮРЭЭ БА ҮЙЛЧИЛГЭЭНИЙ ХҮРТЭЭМЖ

Хамрах хүрээ, хүртээмж нь таны худалдан авахдаа сонгосон улс орон, бүс нутгаас хамаарна.

• Дата багц бүр нь тодорхой улс эсвэл бүс нутагт ашиглахад зориулагдсан.

• Хамрах хүрээг манай гуравдагч этгээдийн сүлжээний үйлчилгээ үзүүлэгчид тодорхойлдог.

• Тус компани сонгосон улс эсвэл бүс нутгийн бүх газрыг хамрах баталгаа өгөхгүй.

• Сигналын чанар, дата дамжуулах хурд нь байршлаас хамаарч өөр өөр байж болно.

Худалдан авалт хийхээсээ өмнө сонгосон дата багц нь таны аялах бүс нутагт тохирч байгаа эсэхийг шалгаарай.

7. ХОРИГЛОХ ЗҮЙЛС

Хэрэглэгч дараах зүйлсийг хүлээн зөвшөөрч байна:

• Үйлчилгээг зөвхөн хувийн, хууль ёсны зорилгоор ашиглах.

• Үйлчилгээг ашиглаж буй улсын бүх хамаарах хуулийг дагаж мөрдөх.

• Үйлчилгээг хууль бус үйл ажиллагаанд ашиглахгүй байх.

Хориглох үйлдлүүд:

• Хор хөнөөлтэй программ тараах, хакинг, фишинг зэрэг аливаа хууль бус үйл ажиллагаа.

• Оюуны өмчийн эрхийг зөрчих.

• Спам эсвэл хүсээгүй мессеж илгээх.

• Хууль бус контентыг байршуулах, хадгалах, түгээх.

• Тухайн улсын хуулийг зөрчсөн үйлдэл.

• Тус компаний бичгээр зөвшөөрөлгүйгээр дата багцыг дахин худалдах, арилжааны зорилгоор ашиглах.

8. ХАРИУЦЛАГЫН ХЯЗГААРЛАЛТ

Тус компани сүлжээний дэд бүтцийг эзэмшдэггүй, үүрэн холбооны оператор биш тул дараах зүйлд хариуцлага хүлээхгүй:

• Сүлжээний тасалдал, холболтгүй байх.

• Дата дамжуулах хурд буурах.

• Тодорхой бүс нутагт хамрагдахгүй байх.

• Гуравдагч этгээдийн үйлчилгээ үзүүлэгчээс үүдэлтэй техникийн доголдол.

Тус компаний нийт хариуцлага нь тухайн үйлчилгээнд төлсөн дүнгээр хязгаарлагдана.

9. ТЕХНИК ТУСЛАЛЦАА

Тус компани нь үйлчлүүлэгчдэдээ утас, и-мэйл, мессенжер сувгуудаар техник туслалцаа үзүүлдэг.

Туслалцаа нь дараах зүйлд хамаарна:

• eSIM суулгах, идэвхжүүлэх.

• Захиалга, төлбөрийн асуултууд.

• QR код хүлээн авах асуудлууд.

Дэмжлэг нь хамрахгүй:

• Хэрэглэгчийн төхөөрөмжийн техникийн асуудлууд.

• Гуравдагч этгээдийн сүлжээний асуудлууд.

10. ОЮУНЫ ӨМЧ

Вэбсайтын бүх агуулга (текст, график, лого, зураг) нь Тус компаний өмч бөгөөд Монгол Улсын зохиогчийн эрхийн хуулиар хамгаалагдана. Хэрэглэгч бичгээр зөвшөөрөлгүйгээр контентыг хуулах, түгээх, арилжааны зорилгоор ашиглахыг хориглоно.

11. ӨӨРЧЛӨЛТ ОРУУЛАХ ЭРХ

Тус компани энэхүү Үйлчилгээний нөхцөлийг хүссэн үедээ өөрчлөх эрхтэй. Өөрчлөлтийг вэб сайтад нийтэлснээр хүчин төгөлдөр болно. Хэрэглэгч энэ хуудастай танлцахыг зөвлөж байна.

12. ГОМДОЛ, МАРГААН ШИЙДВЭРЛЭХ

Хэрэглэгч Тус компаний үйлчилгээний нөхцөлтэй холбоотой санал, хүсэлт, гомдлыг info@mayatrips.online и-мэйл хаяг болон 88271041 утсаар өгч болно.

Хэрэглэгч болон Тус компаний хооронд маргаан гарсан тохиолдолд маргааныг харилцан зөвшилцөх замаар шийдвэрлэхийг эрмэлзэнэ.

Харилцан зөвшилцөж чадаагүй тохиолдолд маргааныг Монгол Улсын хууль тогтоомжийг баримтлан, Монгол Улсын шүүхээр шийдвэрлүүлнэ.

ХЭРЭГЛЭГЧ ЭНЭХҮҮ ҮЙЛЧИЛГЭЭНИЙ НӨХЦӨЛТЭЙ БҮРЭН УНШИЖ ТАНИЛЦАЖ ОЙЛГОСОН БӨГӨӨД БҮХ НӨХЦӨЛИЙГ САЙН ДУРЫН ҮНДСЭН ДЭЭР ХҮЛЭЭН ЗӨВШӨӨРЧ, БАТАЛГААЖУУЛЖ БАЙНА.

Та шинэ мэдээ, мэдээлэл хүлээн авах уу?